Sindrome genitourinarioaren tratamendua

Bizimodua. Gomendio orokorrak

Bereziki garrantzitsua da bizimodu osasungarria faboratzea. Menopausiaren sindrome genitourinarioaren sintomatologia hobetzen dutela frogatu duten neurriak:

• Dieta orekatua izatea 

• Ariketa fisiko neurritsua egitea

• Obesitatea saihestea GMI < 27Kk/m2

• Tabakoa saihestea 

• Alkoholaren kontsumoa murriztea

• Sexu-harremanak erregulartasunez izatea eta jostailu sexualak erabiltzea lagungarriak dira odol-fluxua handitzeko genitaletan eta, horrenbestez, genitalen elastikotasuna eta lubrifikazioa hobetzeko. 

Hidratatzaileak eta lubrifikatzaileak

Hidratatzaileak eta lubrifikatzaileak atrofia baginala tratatzeko erabiltzen dira. Antzeko produktuak badira ere, une desberdinetan eta helburu desberdinekin erabiltzen dira. 

• Lubrifikatzaileak sexu-harremanak izatean aplikatzen dira, eta helburua sexu-ekintza lubrifikatzea da, sexu-harremanetan lehortasunak eragindako ondoeza arintze aldera.  Baginaren jariakin naturalaren antzekoak dira eta eragin azkarra baina mugatua dute.

• Hidratatzaileak sexu-harremanetatik kanpo aplikatzen dira eta baginaren epitelioari hidratazioa ematea dute helburu. Jariakin naturalak simulatzen dituzte, hezetasun eta azidotasun berarekin.

Tratamendu farmakologikoak

Hainbat tratamendu farmakologiko hormonal eraginkor existitzen dira, baginan aplikatzen direnak. Hori agintzeko, pazientearen ezaugarriak eta patologia hartu behar dira kontuan; izan ere, farmako seguru samarrak diren arren, medikuaren preskripzioa behar dute, kontuan hartu beharreko kontraindikazioak dituztela ahaztu gabe.

Terapia erregeneratiboak

Menopausiaren sindrome genitourinariorako terapia erregeneratiboetan barne hartzen dira mukosa baginala birsortzeko eta hidratazioa areagotzeko kolagenoa eta elastina estimulatzeko lagungarriak diren tratamenduak.